فى بعض المنظرين المسلمين -على النت - بيقولوا ما مفاده أن الأسئلة الكثيرة = جهل كبير لدى عامة المسلمين . بس أنا فى وجهة نظري أن الموضوع محتاج مسح شامل لقطاعات متنوعة و فى مجالات متنوعة .
أولا بخصوص الأسئلة الكثيرة ببساطة سببها الانفتاح و السهولة فى التواصل إلى سببتها الشكبة المعلوماتية فالأسئلة كثيرة لأن القطاعات و الشرائح المختلفة و المتباعدة بتلتقي فى مكان واحد و ليكن قناة اليتويبر فبدل ما كنت ممكن تتلقى سؤال فى مكان محدد أصبح ببتلقى أسئلة غير محدوده ربما
#لازم ناخد بالنا : أن ديما المشاكل هيا إلى بتظهر .صديق كان بيقولي قبل كده أنه زهق من المكالمات إلى بيتلقها من العملاء فى وظيفة الكول سنتر /خدمة العملاء الصوتية .وإن سبب زهقه أن المكالمات أغلها مشاكل فكان رد المشرف : طبيعي مش حيتصل بيك إلا الناس إلى عندهم مشاكل و إن يكون قليل القطاعات إلى بتسأل بدافع زيادة الاستبصار مش لأن عندها مشكلة و اكيد طبعا الناس إلى معندهاش مشاكل مش حتتصل
المثل دا جميل جدا فى توضيح الفكرة
على الجانب الآخر فيه أمثلة أكتر من رائعة لنوابغ فى سن مبكر لطلبة علم و أطفال مسلمين لكن للأسف النماذج إلى عندها نقص معرفي هيا إلى بتظهر وهيا إلى بيتبناها الإعلام بل و بيتبناها الناس أنفسهم فى المشاركة و المشاهدة لأن ببساطة الناس بتهتم بكل ما هو غريب ومستنكر و تبتعد عن كل ما هو مألوف ومقبول تمام زي ما بيقول المثال الصحفي : الخبر الصحفي هو أن الإنسان عض كلب مش إن الكلب عض إنسان .
خليك صادق مع نفسك كده لحظة إيه الاخبار إلى بتميل لمشاركتها الأيجابية ولا السلبية . الغريبة ولا المألوفة المستنكرة ولا المقبولة .فدا طبعا بيخلي سلبيات الأسئلة "بسبب الجهل" تسبق نشر إيجابيات النوابغ
عامل قريب من العنصر إلى فات وهو طبيعة الناس على الشبكة العنكوبتية هو أنها بتميل للاستهال و نشر الكلام بشكل يطغى على اعمال العقل و التفكر فى تماسك و مصداقية محتواها و الموضوع دا ظاهر جدا فى أن أغلب الشبهات على ما أظن بتتأسس على مغالطات منطقية أكثر منها معرفية و النوع دا من الأسئلة سهل قلب الطاول على المصدر لو اعمل السائل عقله فى تحديد العلاقة بين المقدمات و النتيجة .
مهم برده نذكره ما قد يقول البعض " الكل منشغل فى عمله فانشغاله عن العلم سبب جهله " لكن لو حللنا المقدمة حنجد أنها نفسها ممكن تخرج بنتيجة مغايرة وهي أن انشغال الناس ممكن يكون سبب غياب الفرصة لظهور نماذج مبدعه او حتى جيدة مش أقل من المطلوب لكن حبسها الانشغال .
تاني للتذكير لازم المسح البياني لقطاعات متنوعة و مجالات متنوعة بيقول كده لأن فيه ناس بتقول طاب ما في معرض الكتاب كذا . أغلب الناس بتروح المعرض لأنه حدث مش لأنها مهتمة بالقراءة و الكتب وبرده نحط في دماغنا إن معرض الكتاب مبيجمعش لا كل ولا أغلب القراء
اكتفي بالنماذج دي منعا للأطالة
ليست هناك تعليقات:
إرسال تعليق