تعقيب بخصوص تيارين متناقضين إلى بيقول على غيره "اتعمله غسيل مخ" و إلى عايزك تتعبه بدون أي استفهام لمجرد أنه يحسب أن خبرته بتـُلزمك أنك تنصاع لها بدون مناقشة
العقل ،العقل من أسمى نعم الله على الإنسان ويكفي لإدراك ذلك تدبر الآيات إلى بتثني على من يعقل و يُفكر و ذم ذما شديدا من يتبع غيره اتباع أعمى . مفيش حاجة اسمها أنا واثق فى شخص ثقة تامة لا يدخلها شك .كلنا ببساطة غير معصومين يعني حتى لو مش كذابين دا مش معناه إننا من الاخطاء معافين .لابد يكون عندك قدر ولو بسيط من البحث و الدراسة و المناقشة و التفكير و التحليل و الموازنة بين الآراء المتاحة .
فى وجهة نظري أن احترامك لتخصص الشخص لا يلغي فكرة أن تبحث وراه و تعارضه حتى لو كانت معارضتك دي مبنية على معلومات و خبرات سطحية لكن دا مطلوب . مطلوب أنك تكون باحث عن الحق فى نطاق ما هو متاح أمامك . و هو ما فيه الخير لك حتى لو بدا لك أنه شرا لأنها قطعا و لا شك حتجعلك أعمق فى طرحك .
بلاش بلاش كمان ثالوث بلاش تصنع دكتاتور بإيدك لأن مش كل الدكتاتوريين كانوا فى الأول وحشين
الحقيقة شرف لا بينالها الناس إلى بتكبر مخها خالص ولا الناس "القطيع " حتى لو كان إلى بتتبعه أول واحد بيسمي غيره بالقطيع .
اجتهد أنك تبحث عن الحق.
تدبر كويس أوي دعاء : اللهم [ارنا] الحق حقا و ارزقنا اتباعه . و [أرنا] الباطل باطلا و ارزقنا اجتنابه
اللهم الصراط المستقيم ولا تجعلنا ممن ضل سعيهم و هم يحسبون أنهم يحسون صنعا
ليست هناك تعليقات:
إرسال تعليق