المنشور طويل بس تأكد أنه حيغير وجهة نظرك
مع الأسف إلى شايفه من تعامل الناس مع المحتوى القيم أنها شايفه أصحابها ناس فاضيه مش لاقية حاجة تتسلى بيها أو ناس عايز تعمل نفسها مثقفه لكن هل دا صحيح ؟
خلينا نقرب شوية. القصة فى بدايتها: أناس ربنا رزقهم بعلم أو ملكه معينه بيجوا يلقوا ناس بتحاول تخدع الناس إلى قدمها أو تقنعهم بشكل ضمني أنهم ملهمش لازمة فى الحياة-افقاد ثقتهم بنفسهم أو تحيدهم [أى جعلهم على الحياد] - لأغراض معينه فتلقي أصحابنا بيحاولوا بشكل لا أرادي يخلوا الحاجة فى الوضع الصحيح . عارف والدتك فى البيت لما تلاقي حاجة مش مرتبة أو مش في مكانها فتقوم لا أراديا بترتبها و تجملها هل هيا غويه تعب ؟ما تريح نفسها!! لأ ، هيا حست أنها لا يمكن تكون راحتها إلا بتصحيح الوضع . ودا المثل إلى بينطق عليه: تعبك راحه الإنسان فعلا بيستريح لما يحس أنه عمل إلى عليه حتى لو هوا مش مجبر على كده. قس على كدا حاجات كتير حولنا. طيب سيدتك بتشوف منشور وليكن نص صفحة بتعدي عليه بشكل لا مبالي لكن ممكن تفكر في إلى حقوله لك تخيل أن 1/2 صفحة دي علشان توصلك ممكن صاحبها يكتبها فى ساعات . وصاحب المنشور بيقرأ زي ما بيقول المثل ألف كلمة علشان يكتبلك كلمة مش مصدق صح؟
طيب عدي دي تعرف أن ممكن صاحب المنشور ممكن يقعد وقت مش قليل علشان يجيب لك اسم المراجع العلمية علشان لو سيدتك حبيت تتأكد من المعلومة بنفسك تعرف ؟
تعرف أنه بيحاول يعصر دماغه علشان يحاول يوفر لك أسماء المصادر المتعلقة بموضوع معين من المواضيع علشان لو كنت على وعي بإلى بيقوله تقدر تتعمق أكتر فى الموضوع!! و إلا هو عارف أنك مش حتضيع وقتك مع كلام مكرر و علشان لو بقى عندك نهم لشيء معين يعملك سلم تقدر تطلع عليه علشان مش عايزك تلغي فكرة التخصص بسبب الصعوبة المفتعله لأنك مبدأتش صح .
طيب تعرف أن الخلاصة إلى بيقدمها لك وراها جبل من المعلومات علشان لو صاحب وجهة نظر مخالفه عارض كلامه يكون محضر له بشكل كويس و إلا حيفقد ثقتك فيه . طيب ليه مينزلهوش مرة واحد بدل ما يضيع دا ؟
أسباب دا كتير ممكن نلخص ده في :
1- أنك ممكن متستوعبش الموضوع لو مكنش عندك خلفيه. ساعتها الخلاصة مش حتنفع لانك حتتوه.
2- سبب رئيسي برده أنه عارف أن وقتك ضيق و أنك غالبا مش حتابعه إلا إن كان عندك معرفة سابقة بيه أو أنت عارف أنه بيقدم معلومة جديدة أو معلومة بتقع فى دايرة اهتمامك أو أنك عارف أن عنده مقدرة أنه يحفزك على أنك تهتم بمواضيع مكنتش فى انتباهك
.3- دا غير أنه-الجبل- عارف أن ممكن ناس تانية تقع فى مشكلة بسبب نشر المعلومات دي لأن ببساطة شخص تاني مناقض للفكر ممكن ياخد كلام الجبل إلى رد عليه فالخصم دا يسب رد الجبل ويستغل أنه غيره مش حيوصله رده.
من النقطة الاخيرة نعرف أنه- الجبل- بيحاول يفكر بعقل خصمه يرى ممكن يرد عليه بإيه ؟طيب لو رديت بكذا هل حيرد ؟طاب ممكن يا ترى يرد على الرد بإيه ؟ الموضوع دا ينفق وقت كبير جدا و طبعا علشان يفكر كدا لازم يكون عنده تصور واضح عن خصمه بيفكر إزاي فى كل كبيرة و صغير = قراءاة آلاف مألفة من الكلمات و سماع ساعات من الفديوهات . وهنا بيظهر شيء جديد يا ترى هل الخصم بيبقى واضح فى طعنه فى الفكر المضاد ولا من النوعيات إلى بيتقال عنها بالبلدي :بيدي أبر من تحت لتحت، لو كان الأخير دا معناها أن الجبل بيحتاج يقرأ النص أكتر من مرة جايز ميلحظش من أول مرة.
ممكن الخصم لما يقول شيء ما بين السطور بيتسبب فى تثبيت باطل عند أتباعه أو أنه يخلي متابعي الجبل يتبعوا الفكر إلى الخصم عايزهم يتبعوه - لو نقله الجبل بدون تدقيق-. ودا نوع من أخطر ما يكون و الغلط منه بكوارث و بتتضعاف الكوارث دي و لو على المدى البعيد، إلي ميخليش شخص منتبه منه لحد ما تقع الكارثة فى جيل غير الجيل بسبب قراءته الأخير بوعي غاب عن سابقه . ساعتها ممكن يتقال كلام ينسب للجبل هو نفسه لم يقوله زى ما بنسمع النهاردة أن الكاتب الفلان يؤيد وجهتي نظري و أدي الدليل أنه معقبش على النقطة الفلانية لما ذكرها إذا ً هو يقرها .
طبعا ممكن الجبل يكون محظوظ فى قراءة ما بين السطور بدون تعب.
تعرف إن غير إلى فات إنه بيعرض المحتوى على شخص متخصص فى مجال معين علشان يعطي وجهة نظره فى الموضوع هل أنا غطيت الموضوع بشكل جيد ؟هل محتاج أزود فى المراجع ؟ المراجع فى نقطة بعينها ممكن تكون حجة على الخصم ولا لأ؟ هل محتاج أطرح أدلة أكتر فى نقطة معينه؟ هل محتاج أقول الدليل على أن الدليل دليل أصلا ؟ هل محتاج أرجع للمرجع الأصلي إلى ذكره مرجعي علشان الخصم ميوهمش أتباعه إني فهمت النص بشكل محرف أو أن مرجعي اقتبس شيء في غير محله – فقط في حالة إني ايقنت أن الخصم حيطرح ذلك لشيوع ذلك فى ردوده –
الرجوع للمتخصص فقط بيبقى أبسط لو كان لأمور بسيط زي إني عايز اتأكد من صحة فهمي للي بقراه أو علشان يصحح الأخطاء لو وجدت بس حتى دا محتاج إني يكون عندي الحظ أن وقت المتخصص يسمح بدا !!
دا غير أن معرفة المعلومة أسهل بكتير جدا من محاولة رصها مع معلومات تانية فى قالب واحد فى انسجام تام علشان تعرض لسيدتك بشكل جيد وجذاب
حاسس إني بأوفر صح ؟ طيب خد المثل دا و استنى التحدي .أنت تعرف إن أبسط الاشياء إلى مبتخدتش وقت من وجهة نظرك"وهي تجميع المصادر وفهرستها" بتاخد وقت كبير، و بتبقى متعبه و ممله ، لكن لابد منها ببساطه لأنك لو مجمع كتب أو فديوهات حيوفر وقت كبير جدا مستقبالا فبدل ما كل شوية تبحث عن كتاب أو فديو فى مجال معين تلاقي سهولة فى التعامل أنك: اه عندي كذا .فقدرت أوفر وقت كل مرة حدخل ابحث فيها . بعد ما تعمل كدا حتلاقي عندك عشرات أو مئات أو آلاف الكتب أو الفديوهات متخزنه عندك معقول يعنى حتبقى عايز توفر وقت و متعملش فهرس لكل حاجة يعنى مثلا فهرسة الأديان حكتب هشتاج أو خلافه يجمع كل كتب المندائيه لوحدها و كل كتب البوذية لوحدها و ححتاج أعمل فهرسة زمنية فحرتب المراجع حسب توقيت ظهور دين وفهرسه مكانية و ححتاج اعمل فهرسه موضوعية لعقائد معينه وليكن فهرسه خاصة للخلاص وححتاج أعمل فهرسه للطوائف مثلا فى المسيحية ححتاج أعمل فهرسه للطوائف المعتمدة لوحدها و فهرسه للطوائف المهرطقة لوحدها و والطوائف المنشقة عن الطوائف المهرطقة لوحدها وليكن شهود يهوه من منشقيها :الفجر الألفي و أصدقاء الإنسان إلخ .و ححتاج أعمل فهرسه للعلوم المساعدة مثلا اللغات لوحدها
.شوف بقا أنا بتحداك تجرب الموضوع دا حتى لو فى مجال أنت بتحبه بشكل قريب أو بسيط من دا و متخرجش من غير مقاومة عنيفه ، للإحساس بالملل .
كل دا بقا دا بيزيد عليه أثناء ما بيعمل كدا أنه:
-بستقطع وقت طويل كان ممكن ينفقه فى المتمع الحياتية
- بيستقطع وقت من المفترض إنه بريح فيه من ضغط العمل لأ دا بيحط ضغط على ضغوطه
-بيجهد نفسه بالجلوس بالساعات الطويلة أمام الشاشات :بيجهد عينه و ضهره
- بيستقطع جزء من وقت القعده مع الأهل و الأصدقاء مع أنها بتبقا فعلا أوقات مبتتعوضش هم مقتنعين جدا بمقولة ماكسويل : أن العمل و القراءة من الأشياء الطيبة ولكن الأصدقاء أفضل منهما ، بس يا ترى ليه بيحاول يجي على نفسه . أنا كأقل ممن ذكر واحد من الناس بقول نفسي أستريح بس معرفش استطعم الراحة و أنا شايف خصمي بيعمل مجهود جبار و بتقف وراه مؤسسات بتوفر له كل الإمكانيات علشان ينفذ الهدف بأنه يخليك كما أراد. أه بتعب و بتعب و بحاول أجي أكتر على نفسي فى التعب علشان أنقذنك منه . برمي الحاجة لقدام لإني مؤمن جدا بأن كل إلى بعمله حلاقي ثمرته حتى لو كان دا بعد ما أموت.
هل الناس إلي بتقدم محتوى محتاجه شهرة؟ مش عيب أبداً أنها تكون محتاجه شهره، بس هما محتاجنها علشان يضمنوا يوصلوا رسالتهم ويحموا غيرهم مش علشان يحصلوا على امتياز شخصي هو دا الحلم .
أرجوك خلي الناس تستمر لأن لكل إنسان طاقة ميقدرش يتحمل بعدها
خلي الناس تكمل بأنك تتهم بالتفاعل بالتعليق أنك عايز مرجع يتكلم بشكل أوسع . قول له عايزك تفهمني يا صاحب المحتوى النقطة دي علشان مفهمتهاش صدقني بتفرق جدا معاه . متكتفيش بلايك"أعجبني" اللايك كويس و يشكر صاحبه بس صاحب المحتوى عايز يحس أنك اهتميت فعلا مش مجرد جبر خاطر .
لو وقف فى مره عن تقديم حاجة كان بيقدمها بانتظام أعرف أنه نفسه يشوف حد يحسسه أن تعبه مرحش على الفاضي .
عملت كدا جزاك الله خيرا عايز تزود شوف هوا محتاج إيه علشان يكمل رسالته على أكمل وجه بدل ما يخلي معلوماته لنفسه –بالرغم أن دا والله بيبقا احساس قاسي عليه –ساعتها حتبقا أنت عظيم بقدر عظمته .
شايف أنك مش عايز تعمل كل دا خلاص بسيطة أنت عارف أنه بينشر محتوى قيم شارك منشوره .مش عايز تشاركه على حسابك شاركه على الأقل فى مجموعات مهتمه بنفس المحتوى .كل دا حيخلي فيه وعي أكتر و بالتالى ناس أكتر حتظهر تشيل معاه حمل رسالته .
فعلا : إنها لفجيعة أن يسبق إلحاد أعرج، ويتأخر هدى مستقيم لا لشيء إلا لأن حَمَلَة هذا الهدى كسالى، ومفرطون!
وبلاش من فضلك تقعد بالساعات قدام صاحب محتوى فاسد بحجة أنك عايز تعرف هوا بيقول إيه و تجي مأنتاش عايز تسمع 5 دقايق لأصحاب المحتوى النافع
--------
إشكاليات متعددة لعدم انتاج الأفاضل لفديوهات جديدة :
رقم 1 الحياة المعيشية الصعبة 2 العشاوائية و سبب ما سبق عدم توفر مؤسسات تدعم و تنسق و توزع العمل 3- ضعف التفاعل أو قل انعدامه و دا لأسباب كثيرة مننا أ.عدم الاهتمام بالشكل إلي بيظهر عليه المحتوى ومن ثم يكون المحتوى غير جذاب رغم قيمته ومنها:
-اهمال الاهتمام بوضع خلفيات جذابة للفديو
- عدم الاهتمام باستخدام عنوان جذاب
- عدم وضع عناوين ثانية للفقرات
- عدم تنويع محاور الفديو بما يسبب الملل
- استخدام مصطلحات المتخصصة التى لا يفهمها إلا المتخصصين اختصارا لعامل الوقت
- عدم تبسيط المعلومة بوسائل الشرح من رسوم و خرائط
-عدم الاهتمام باللغة المناسبة للجمهور فهل طبيعة الجمهور بتتطلب طلب أدلة و ووضع إحالات لمراجع أم الاكتفاء بالطرح دون أدلة هل طبيعته تتطلب عرض أكتر من وجهة نظر
- غياب عنصر التشويق الضرورية مثل طرح فكرة و الحديث عن مناقشتها فى الحلقة القادمة
- عدم استخدام الأساليب الانفعالية التى يستخدمها الخصم مثل قول حتصدم لما أقولك كذا ،متحولش تدور لأنك مش حتلاقي إجابة
عدم الاهتمام بتخلص الحوار
- عدم ربط العلم بالخبرات الميدانية -المغامرات -و التى يطوق الجمهور لسماعهان
ج. عدم اختيار القالب المناسب فهل الأفضل تقديم المعلومة فى شكل حديث مباشر "شخص واحد" أم حوار "شخصين" أو أكثر "ندوة -دائرة مستديرة" -
ح. طبيعة الناس فى الانجذاب لما هو غير مؤلوف و لما هو مخالف للرأي السائد و عدم ربط المحتوى بما يمس اهتمامهم الحياتية
د. عدم وجود وسائل تفاعلية مع الجمهور تسمح بالتعبير و التواصل المستمر
ت. عدم طرح استفتاءات على الجهور حول موضوعات يرغب الجهور بعرضها أو على الأقل استفتاءات بين الخيارات التى ينوى مقدم المحتوى تقديمها
ليست هناك تعليقات:
إرسال تعليق