دي شوية خطوات بتحط رجل الأخوة الأكارم إلى نفسهم يعملوا بحث بس مش عارفين البداية تكون إزاى
طرق تساعد على تكوين عقليه بحثيه
1- التخصص وده يعتبر من أولى الطرق و أغناها لأن الباحث من خلال تخصصه حيقدر يعرف:
كل الموضوعات إلى لم تدرس من قبل
كل الموضوعات إلى محتاجه مزيد من الدراسه
المجالات الجديده فى تخصصه و إيه المطلوب منه بعد وجود مستجدات
2- القراءة الدقيقة و المنظمه فى مجال دراسة الاديان و المجالات إلى بتتعلق به لان ده حيساعد على :
تكوين أفكار و معلومات و خبرات يقدر منها يختار موضوع بحث
القراءة المستفيضه حتجعل لدى الباحث امكانية قوية لنقد الموضوعات المختلفه و الخروج بابعاد جديده. لابد حتى لو الباحث حدد موضوع بحثه إنه يقرأ كل ما هو متاح عن موضوع بحثه لإن ده حيتيح له تكوين فكرة عن الموضوع أو حيقدر يكتشف ثغرات فى الموضوع أو حيقدر يوصل لاقتراحات يقدمها فى نهاية بحثه لغيره من الباحثين أو للقارئ أو عن طريقها يقدر يستكمل بعض الجوانب الناقصه فى البحوث إلى قبل كده
الباحث لما يقوم بدراسة كل ما قيل يقدر إنه يحط أسئله حتساعده أكتر فى اكتشاف موضوعات بحثيه جديده أو إنه يجيب"يأتي بـ" إلي لم يُذكر
وايه هيا الموضوعات الى كان يجب على الباحثين السابقين فى نفس تخصصه إنهم يتصدوا لها؟
ايه هيا الموضوعات إلي بيجري دراستها حاليا أو مقترح دراستها؟
إيه الحقائق و النتائج إلى خرجت بيها البحوث السابقه؟
إيه الصعوبات الرئيسية إلى بتعيق عمل موضوعات فى مجالات تخصصه؟
إيه الموضوعات إلى يقدر يدرسها دلوقتي و إيه إلي محتاجه مزيد من البحث أكتر من غيرها؟
إيه الى بيربط موضوعات فى مجال الاديان بغيره من المجالات ؟
3- المشاركه أو الاستماع الى المحاضرات و مناقشات البحوث و المؤتمرات الخاصة بالاديان و حوارته (لان بيخلق احتكاك علمي بين الباحثين فبالتالي حيعرف الموضوعات الحالية الى محتاجه دراسه و حيستمع لوجهات نظر متعدده و حيعرف الباحث الطرق المختلفة إلى بيستخدمها الباحثين فى وضع بحوثهم فلازم الباحث يتعرض لذلك باستمرار)
4-التسجيل المستمر لقراءات لفتت ذهن الباحث أو تسجيل ملاحظاته على سطر ملفت بالكتابه فى نوته وطبعا لابد من تسجيل الافكار الي معاه إلى ساعات بتجي للباحث.
وعليه إنه يتبع فى ذلك ما يلي :
إنه يكتب تلخيص وافي و مركز للأفكار أو المعلومات او الأسئلة او التفسيرات إلي طرحت
إنه يكتب تعليقاته عما ورد فى التلخيص
إنه يكتب العناصر الى شاف إنها عايزه مزيد من الدراسه فى التلخيص
طيب ليه التسجيل؟ ببساطه لأن بعض الأفكار المهمة ممكن تروح من ذهن الباحث لو مدونهاش
فضلا على إن ده بيدي الباحث إحاطه أكتر بموضوع البحث وعليه حيقدر يرتب الحقائق فى تسلسل منطقي و إنه حيقدر حيقلل الثغرات فى بحثه
4- إعادة بحث بعض الموضوعات البحثيه
لان الابحاث فيها جزء بيتصف بالتطور
ولإن ساعتها حيقدر يحط ايده على بعض الاخطاء إلى وقع فيها صاحب البحث إلي أنت بتعيد دراسته
نتايج بعض البحوث بتحتاج أحيانا متابعتها علشان أقدر أوصل لنتائج أكتر تفصيلا و أكتر دقه
5-تبني نظره ناقده لمختلف الموضوعات
لأن العمل البحثي أصلا يتميز بالتمرد على النمطيه و القوالب الفكريه الجامده ومن الصعب إن بحث يقدر يوصل لاكتشاف موضوعات جديده ان سلم بكل الأفكار و الآراء السائده أو إلى بيعرضها غيره
المرجع : دراسات فى مناهج البحث العلمي ،بحوث الإعلام - د.سمير محمد حسين -عالم الكتب
ليست هناك تعليقات:
إرسال تعليق